扮天才寫字　電腦字體專家複製「愛因斯坦體」

▲ 相片來源：法新社、Kickstarter

邊個唔識愛因斯坦？至少聽過佢大名啦！但愛因斯坦字跡你又見過未？見識過之後，可能你都會發覺愛因斯坦手字真係幾靚。

以現今科技，要將愛因斯坦字跡變成電腦字體（font），技術上一定唔難，但要搜集其字跡、字與字之間如何串連等，就需要一定時間。

德國有位字體設計師 Harald Geisler 就決定上 KickStarter 集資 US$15,000（約 HK$116,700），以求盡快製作好適用於 PC、Linus、Mac、平板機及手機的「愛因斯坦字體」，預計於明年初完成。

 Geisler 兄以名人字跡製作電腦字體早有前科，曾製作過佛洛伊德字體。Geisler 又希望愛因斯坦字體中可以包括一些常用的數學符號，正尋求一些物理學家的專業意見。

截至今日（7日）的上午10時30分，這項 KickStarter 集資計劃已籌得接近 US$15,121，已達成集資目標。

原文刊於：ezone.hk